Evróputúrinn: Öruggur sigur Henrik Stenson í Dubaí

Henrik Stenson sigraði í lokamóti Evrópumótaraðarinnar, DP World Tour Championship nú í þessu og var sigur hans aldrei í hættu.

Hann lék á samtals 25 undir pari, 263 höggum (68 64 67 64) – Á lokahringnum missti Stenson hvergi högg fékk 4 fugla á fyrri 9 og 2 fugla og glæsiörn á 18.  á seinni 9. Glæsilegt þetta hjá Stenson …. sigur þrátt fyrir þrálát úlnliðsmeiðsli sem hafa verið að hrjá hann að undanförnu!!!

Stenson átti 6 högg á Ian Poulter, sem varð í 2. sæti á 19 undir pari, 269 höggum (69 68 66 66) og ljóst að það verður Ian Poulter, sem mun „vera þjónn“ Stenson í kvöld, þegar sigurhátíðin fer fram og bera honum drykki – en út á það gekk veðmál milli þeirra kappa þ.e. að sá sem yrði lægri á skortöflunni i í mótinu, yrði að vera þjónn hins á lokahátíðinni!

Í viðtali við Poulter eftir að hann lauk við hringinn var hann brosandi og sagði að Stenson myndi örugglega bara létta að hafa unnið veðmálið (upp á $ 100), Poulter hefði gert honum erfitt fyrir síðustu vikurnar, en nú væri bara ljóst að Stenson væri besti kylfingur á plánetunni!!!

Síðan flaut kampavínið yfir Stenson… sem Poulter þurrkaði af honum með hvítum vasaklút, þjónsstörfin greinilega hafin!!!

Í 3. sæti varð franski kylfingurinn Victor Dubuisson, á samtals 17 undir pari, 271 höggi (70 68 64 71).

Í 4. sæti varð síðan Hollendingurinn „fljúgandi“ Joost Luiten, á 16 undir pari, 272 höggum, en Luiten er búinn að eiga feykigott ár á Túrnum.

Þrír stórkylfingar deildu síðan 5. sæti Rory McIlroy, Luke Donald og Lee Westwood, allir á samtals 15 undir pari og 8. sætinu deildu seiga, gamla brýnið Miguel Ángel Jiménez og Jamie Donaldson, báðir á 14 undir pari, hvor.

Loks mætti taka fram að gaman var að sjá íslenska fánann meðal áhorfenda í áhorfendastúkunni – greinilega Íslendingar að fylgjast með lokahringnum!

Til þess að sjá lokastöðuna á DP World Tour Championship SMELLIÐ HÉR: