Evróputúrinn: Oliver Wilson sigraði á Alfred Dunhill Links Championship!

Það var Englendingurinn Oliver Wilson sem sigraði nú rétt í þessu á Alfred Dunhill Links Championship.

Lokahringurinn var leikinn á St. Andrews, en Dunhill mótið fór fram á 3 golfvöllum: Carnoustie, Kingsbarns og á Old Course St. Andrews, vöggu golfsins.

Wilson lék á samtals 17 undir pari, 271 höggi (64 72 65 70) og er þetta fyrsti sigur hans á Evrópumótaröðinni.  Wilson á afmæli 14. september, verður 34 ára, eftir 9 daga og betri afmælisgjöf vart hægt að hugsa sér!!!

Í 2. sæti urðu nr. 1 á heimslistanum Rory McIlroy, Skotinn Richie Ramsay og Englendingurinn Tommy Fleetwood; allir 1 höggi á eftir Wilson, þ.e. á samtals 16 undir pari, hver.

Einn í 5. sæti varð síðan „heimamaðurinn“ Chris Doak frá Skotlandi á samtals 15 undir pari!

Til þess að sjá lokastöðuna á Alfred Dunhill Links Championship SMELLIÐ HÉR: 

Sjá má hápunkta 4. dags á Alfred Dunhill Links Championship með því að SMELLA HÉR: (ATH!!! Verður fært inn þegar myndskeiðið er til!!!)