Evróputúrinn: Miguel Ángel Jiménez sigraði á UBS Hong Kong Open

Spænski kylfingurinn Miguel Ángel Jiménez skrifaði sig í sögubækurnar en með sigri sínum á UBS Hong Kong Open í morgun, er hann varð elsti sigurvegari á Evróputúrnum.  Hann er 48 ára, 10 mánaða og 13 daga gamall.

Samtals lék Jiménez á 15 undir pari, 265 höggum (65 67 68 65). Lokahringur hans var einkar glæsilegur en hann skilaði „hreinu skorkorti“ með 5 fuglum og 13 pörum.  „Þetta er mjög ljúft,“ sagði Jiménez m.a. þegar sigurinn lá fyrir. „Ég vona að þetta sé ekki sá síðasti (sigurinn).“

Í 2. sæti varð Svíinn Fredrik Anderson Hed og í því 3. Ástralinn Marcus Fraser.

Skotinn Stephen Gallacher, ítalski táningurinn Matteo Manassero og Írinn Peter Lawrie deildu síðan 4. sætinu á 11 undir pari, 269 höggum, hver – 4 höggum á eftir Jiménez.  Matt Kuchar varð í 7. sæti.

Til þess að sjá lokastöðuna á UBS Hong Kong Open SMELLIÐ HÉR: