Evróputúrinn: Matteo Manassero yngstur til að vinna 3 titla – nokkrar staðreyndir

Ítalski táningurinn Matteo Manassero varð í gær sá yngsti til að hafa sigrað í 3 mótum á Evrópumótaröðinni, eftir að hann sigraði glæsilega á Barclays Singapore Open á Sentosa golfstaðnum í Singapore.   Golf 1 hefir nýlega verið með kynningu á Matteo Manassero, sem sjá má með því að smella hér:   Manassero 1    Manassero 2  Manassero 3  Manassero 4   Manassero 5

Hér eru nokkrar staðreyndir um Matteo Manassero:

• Þetta er þriðji sigur hans á Evrópumótaröðinni eftir 70 mót, sem hann hefir spilað í á Evrópumótaröðinni.

• Með sigrinum fer hann í 13. sæti peningalista Evrópumótaraðarinnar með verðlaunafé upp á  €1,493,688. Með þessu fer hann yfir €1 milljón markið á einu keppnistímabili.

• Hann er nú þegar með metið sem yngsti og næstyngsti sigurvegari á Evrópumótaröðinni.  Hann var 17 ára og 188 daga gamall þegar hann sigraði á CASTELLÓ MASTERS í Costa Azahar 2010 og 17 ára og 363 daga gamall þegar hann sigraði á Maybank Malaysian Open 2011. Nú var hann 19 ára og 206 daga þegar hann vann 3. titil sinn í Barclays Singapore Open, 2012. Þetta þýðir að 3 titlar hans á Evróputúrnum koma honum í 1., 2. og 8. sætið yfir yngstu opinberu sigurvegara á mótum í sögu Evrópumótaraðarinnar.

• Hann er auk þess fyrsti táningurinn til þess að hafa sigrað þrívegis á Evrópumótaröðinni.

• Þetta er þriðja árið hans í röð á Evrópumótaröðinni og hann hefir á hverju ári sigrað í móti á mótaröðinni.

• Sigurinn er besti árangur hans 2012, en sá næstbesti var 2. sætið á Open de Andalucía Costa del Sol.

• Þetta er 7. skiptið sem hann nær topp-10 árangri. Þetta er besti árangur hans á 1 keppnistímabili.

• Hann er yngsti sigurvegari the Barclays Singapore Open, aðeins 19 ára og 206 daga ungur.

• Hann er fyrsti Ítalinn til þess að sigra á the Barclays Singapore Open.

• Manassero sigrar á Barclays Singapore Open, eftir að hafa einungis tvívegis tekið þátt í því.

• Sigurinn er besti árangur hans hingað til á the Barclays Singapore Open, besti árangurinn hingað til var T-45.

• Hann er aðeins 2. leikmaðurinn á þessu keppnistímabili til þess að ná erni á par-5 braut. Peter Hanson er hinn, en hann fékk örn á par-5u á KLM Open.

AÐRAR STAÐREYNDIR:

• Sigurinn er 11. sigur tánings í sögu Evrópumótaraðarinnar. (Seve Ballesteros sigraði árið 1976 Trophée Lancôme, en það var ekki opinbert mót á sínum tíma).

• Þetta er 18. ítalski sigurinn í sögu Evrópumótaraðarinnar, en af 18 sigrum á Manasseru 1/6 hluta eða 3).

• Þetta er 2. ítalski sigurinn á 2012 keppnistímabilinu en Francesco Molinari sigraði 2012 á Reale Seguros Open de España.

• Matteo Manassero er jafn Francesco Molinari í 2. sæti yfir þá ítalska kylfinga sem sigrað hafa oftast á Evrópumótaröðinni – Costantino Rocca á enn metið með 5 sigra.

• Þetta er í 2. skiptið af 3 sigrum hans þar sem hann hefir verið í forystu eða deilt forystu fyrir lokahringinn. Síðasta mót sem þannig var ástatt með Manassero var árið  2011 á Maybank Malaysian Open.

• Þetta er annar sigur Manassero sem atvinnumanns í Austurlöndum fjær, fyrri sigurinn var á Maybank Malaysian Open, 2011.

• Með sigrinum hlýtur Manassero þátttökurétt í Volvo Golf Champions 2013, 2013 WGC – Bridgestone Invitational og 2013 WGC – HSBC Champions.

* Hann hlýtur kortið sitt á Evróputúrnum til  2014.

• Þetta er stærsta verðlaunafjárhæð sem Matteo hefir hlotið eða  €770,226.

• Hann er kominn yfir €3 milljónir í verðlaunafé á Evrópumótaröðinni (og það innan við 20 ára aldurinn). i

• Þetta er 3. sigur Matteo Manassero sem atvinnumanns.

Heimild: Golf By Tour Miss