Ragnheiður Jónsdóttir | maí. 16. 2018 | 13:15

Evróputúrinn: Mark Wilson látinn

Í dag, 16. maí 2018, fer fram bálför Mark Wilson, sem var fyrsti fjölmiðlafulltrúi Evrópumótaraðarinnar.

Wilson, 90 ára, sem var fæddur 13. júlí 1927 og lést 27. apríl 2018, var búinn að vera veikur lengi.

Hann vann allan starfsaldur sinn sem blaðamaður og eftir 1953 eingöngu að fréttum tengdum golfi. Wilson var um ævina búinn að vinna á öllum helstu dagblöðum Fleetstreet.  Sjálfur var Wilson liðtækur kylfingur og félagi í Sunningdale, The Berkshire, Royal Mid-Surrey and Pyecombe, rétt hjá Brighton. Jafnframt ferðuðust Mark og Joan Wilson um heiminn og spiluðu marga af bestu golfvöllum heims, s.s. Augusta National, Pebble Beach og Penina í Portúgal, en á síðastnefnda golfstaðnum var hann jafnan gestur hönnuðar Penina, Sir Henry Cotton og eiginkonu hans Toots.

Í starfi sínu kynntist Wilson mörgum helstu golfgoðsögnum golfsins og má m.a. sjá falleg minningarorð Gullna bjarnarins, Jack Nicklaus og Gary Player um Wilson og sérlega skemmtilega og vandaða minningargrein eftirmanns síns á Evróputúrnum, Mitchell Platts, með því að SMELLA HÉR: 

Golf 1 vottar eftirlifandi eiginkonu Mark Wilson, Joan, en þau kynntust þegar þau voru 15 ára og voru saman upp frá því og dætrum þeirra Jacqueline og Lisu innilegustu samúð.