Evróputúrinn: Larrazabal svaf yfir sig!

Spænski kylfingurinn Pablo Larrazabal á starfsmanni Evrópumótaraðarinnar það að þakka að hafa ekki verið vísað úr Hero Indian Open mótinu, sem er mót vikunnar á Evróputúrnum og fer fram á Indlandi.

Starfsmaðurinn hringdi í hann 38 mínútum fyrir rástíma Larrazabal, en hann var enn með úrið sitt á spænskum tíma.

Larrazabal segist hafa farið í sturtu í flýti og verið kominn út á völl 25 mínútum fyrir rástíma sinn.

Vaninn hjá honum er að vera vaknaður 3 klukkustundum fyrir mót.

Stressið og flýtirinn um morguninn virðist þó ekki hafa háð spilamennsku Larrazabal því hann er jafn 3 öðrum í 3. sæti mótsins eftir 1. keppnisdag.

En betra er að sjá Larrazabal segja sjálfur frá því þegar hann svaf yfir sig SMELLIÐ HÉR: 

Atvikið minnir óneitanlega á það þegar Rory svaf yfir sig og var næstum búinn að gera sigurvonir Ryder Cup liðs Evrópu að engu eins og frægt er, en hann var vakinn af þáverandi starfsmanni PGA, sem í dag er eiginkona hans, Ericu Stoll.