Evróputúrinn: Justin Rose og Jamie Donaldson efstir eftir 1. hring í Abu Dhabi

Það eru Englendingurinn Justin Rose og Skotinn Jamie Donaldson sem leiða eftir 1. hring Abu Dhabi HSBC Golf Championship, sem hófst í dag á Abu Dhabi golfvellinum.

Báðir spiluðu þeir á 5 undir pari, 67 höggum; Rose var með 6 fugla, 11 pör og 1 skolla alveg eins og Donaldson og svo vísað sé í gamla klysju „Rose hreinlega blómstrar í Abu Dhabi.“

Þriðja sætinu deila Daninn Thorbjörn Olesen og Spánverjinn Pablo Larrazabal, báðir á 4 undir pari, 68 höggum.

Martin Kaymer er í 16. sæti ásamt 15 öðrum kylfingum og Tiger Woods í 32. sæti ásamt 20 öðrum; þ.á.m Thomas Björn og Matteo Manassero.

„Heimsins besti“, Rory McIlroy er ásamt 12 öðrum í 83. sæti og er 2 höggum frá því að komast í gegnum niðurskurð eins og staðan er núna og þarf því að hugsa um „to go low“ á morgun þ.e. vera með lágt skor til þess að tryggja sig, ætli hann sér að spila um helgina!

Til þess að sjá stöðuna í Abu Dhabi eftir 1. dag SMELLIÐ HÉR: