Evróputúrinn: Justin Rose leiðir með 2 höggum fyrir lokahringinn

Englendingurinn Justin Rose leiðir með 2 höggum fyrir lokahring Abu Dhabi HSBC Golf Championship.

Rose er búinn að spila á samtals 12 undir pari, 204 höggum (67 69 68). Í dag spilaði Rose á 4 undir pari; fékk 7 fugla, 8 pör og 3 skolla.

Hann sagði eftir hringinn góða í dag, ánægður með stöðuna sem hann er í: „Ég kom hingað án nokkurra væntinga – ég kom til að sjá hver staðan á leiknum hjá mér er.“  Og svo bætti hann við: „Sá sem sigrar í þessari viku getur sagt að hann hafi unnið nr. 1 og nr. 2 á heimslistanum. Hann getur sagt að hann hafi borið sigurorð af þeim bestu.“

Þeir Jamie Donaldson frá Skotlandi og Thorbjörn Olesen frá Danmörku eru í 2. sæti; búnir að spila á samtals 10 undir pari, 206 höggum; Donaldson (67 70 69) og Olesen (68 68 69).

Í 4. sæti er Thaílendingurinn Thongchai Jaidee á samtals 9 undir pari.

Til þess að sjá stöðuna á Abu Dhabi HSBC Golf Championship SMELLIÐ HÉR: