Evróputúrinn: Jorge Campillo sigraði á Magical Kenya Open

Það var spænski kylfingurinn Jorge Campillo, sem sigraði á Magical Kenya Open.

Hann lék á samtals 18 undir pari, 266 höggum (69 68 63 66).

Jorge Campillo er fæddur 1. júní 1986 og því 36 ára. Þetta er 3. sigur hans á Evróputúrnum, en síðast sigraði hann 2020 á Commercial Bank Qatar Masters.

Campillo átti 2 högg á japanska kylfinginn Masahiro Kawamura, sem varð í 2. sæti á samtals 16 undir pari.

Þriðja sætinu deildi síðan annað spænsk/japanskt kombó þ.e. Santiago Tarrio frá Spáni og Ryo Hisatsune frá Japan, báðir á samtals 15 undir pari.

Guðmundur Ágúst Kristjánsson, GKG, tók þátt í mótinu og munaði aðeins 1 höggi að hann kæmist í gegnum niðurskurð!

Sjá má lokastöðuna á Magical Kenya Open með því að SMELLA HÉR: