Evróputúrinn: Joost Luiten í 1. sæti á Iskandar Johor Open eftir 1. dag

Mót vikunnar á Evróputúrnum er Iskandar Johor Open, sem fram fer dagana 17.-20. nóvember í Johor í Malasíu. Eftir 1. dag er Hollendinurinn Joost Luiten í efsta sæti kom inn á glæsilegum 63 höggum í dag; – 8 undir pari. Luiten spilaði skollafrítt fékk 8 fugla, þar af 4 á síðustu 4 holunum, þ.e. 15.-18. holu.

3 voru höggi á eftir Luiten; Pádraig Harrington, Marcus Fraser og Grégory Bourdy, allir á 64 höggum.  Fjölmargir eiga eftir að ljúka leik, en mótinu var frestað og verður framhaldið á morgun.