Evróputúrinn: Jon Rahm kylfingur júlímánaðar 2017

Spænski kylfingurinn Jon Rahm hefir verið valinn Hilton kylfingur júlímánaðar á Evróputúrnum.

M.a. var Rahm valinn vegna metárangurs síns þegar hann sigraði á Dubai Duty Free Irish Open þar sem gestgjafi var  Rory Foundation.

Rahm hefur átt ótrúlega 18 mánuði þar sem hann hefir farið úr að vera í sæti nr. 551 á heimslistanum í 7. sætið!

Sigur Rahm í Portstewart Golf Club kom eftir ótrúlegan lokahring upp á 65 högg, sem kom honum í samtals 24 undir pari, sem er lægsta skor í langri sögu mótsins.

Jafnframt skrifaði Rahm sig á lista sigurvegara mótsins þ.á.m. landa sinna, sem áður höfðu unnið í mótinu þ.e. Seve Ballesteros, José María Olazábal og Sergio Garcia.

Sigurvegari um heiðursnafnbótina Hilton kylfingur júlímánaðar á Evróputúrnum vr valinn af virtum golffréttamönnum og áttu þeir erfitt val milli hans og landa Rahm, Rafa Cabrera Bello sem sigraði eftirminnilega á Aberdeen Asset Management Scottish Open, sem og Tommy Fleetwood, sem var að vinna 2. sigur sinn á Evróputúrnum á  HNA Open de France.

Rahm hlýtur Hilton Honors Diamond Elite Status – sem er hægsta staða sem hægt er að veita Hilton hótela gestum.

„Ég er virkilega ánægður að hafa verið valinn Hilton kylfingur júlímánaðar á Evróputúrnum,“ sagði Rahm. „Að sigra á Dubai Duty Free Irish Open var virkilega sérstakt augnablik á ferli mínum. Að sigra á Evróputúrnum hafði mikla þýðingu fyrir mig og það vakti mikla athygli meðal fjölmiðlamanna á Spáni.  Þetta sýnir hvaða þýðingu sigurinn hafði fyrir mig og land mitt. Mér er heiður af því að hafa hlotið þessa viðurkenningu, sérstaklega þegar Rafa spilaði svona vel í Skotlandi í sama mánuði.“