Evróputúrinn: John Parry sigraði á lokaúrtökumóti Q-school European Tour

Þriðja stigið eða lokaúrtökumót Q-school Evrópumótaraðarinnar fór fram dagana 24.-28. nóvember s.l.  Sem fyrr voru spilaðir 6 hringir á PGA Catalunya golfvellinum í Girona á Spáni og 28 efstu hljóta kortin sín á Evrópumótaröðinni fyrir keppnistímabilið 2013.  Sem fyrr verður Golf 1 með kynningu á „Nýju strákunum á Evrópumótaröðinni 2013″ og hefst sú kynning á morgun.

Það var Englendingurinn John Parry sem sigraði, en hann var á samtals 19 undir pari; átti 4 högg á Svíann Mikael Lundberg, sem varð í 2. sæti.

Þeir sem náðu í gegnum lokaúrtökumótið voru flestir frá Englandi eða 7 talsins. Annars dreifðust þeir sem náðu á eftirfarandi máta eftir ríkjum: Svíþjóð (5); Ástralía (2); Danmörk (2); Frakkland (2); Skotland (2); Spánn (2); Finnland (2); Argentína (1); Ítalía (1); Írland (1); Þýskaland (1).

Skotinn Garry Orr var sá elsti til að vinna sér inn kortið sitt, 45 ára.

Nokkrir Íslendingar reyndu fyrir sér á úrtökumótum fyrir Evrópumótaröðina í ár: Stefán Már Stefánsson, GR og Þórður Rafn Gissurarson spiluðu á 1. stiginu í Fleesensee í Þýskalandi; Ólafur Már Sigurðsson, GR og Ólafur Björn Loftsson, NK voru sömuleiðis á 1. stigi úrtökumótsins, en reyndu fyrir sér í Frilford í Englandi og Birgir Leifur Hafþórsson var á 2. stiginu á Ítalíu. Enginn þeirra náði að þessu sinni inn í lokaúrtökumótið.

Til þess að sjá stöðuna á lokaúrtökumótinu 2012 á PGA Catalunya golfvellinum í Girona á Spáni SMELLIÐ HÉR: