Evróputúrinn: Írinn Peter Lawrie efstur á Opna sikileyska

Það er Írinn Peter Lawrie sem er efstur á Opna sikileyska, sem hófst í dag á Verdura Golf & Spa Resort. Á skorkortinu hans í dag voru 9 fuglar og 1 skolli og erfitt að sjá að nokkur muni ná honum; þ.e. Lawrie var á -8 undir pari, 64 höggum.

Á hæla hans eru Daninn Sören Kjeldsen og Walesverjinn Jamie Donaldson á -7 undir pari, 65 höggum.

Sá eini sem gæti orðið Lawrie skeinuhættur, sem stendur, er  Englendingurinn James Morrison, sem líka er búinn að spila á -7 undir pari en á 1 holu eftir óspilaða, þegar þetta er ritað.  Þegar þetta er ritað eiga nefnilega nokkrir eftir að koma inn og gæti staðan raskast aðeins.

Ítalski táningurinn Matteo Manassero, sem aldeilis ætlaði að slá í gegn á heimavelli varð að láta sér nægja að spila á sléttu pari í dag 72 höggum og deilir sem stendur 89. sætinu með öðrum. Það sem annað gæti þó breyst eftir því sem líður á mótið.

Sjá má  stöðuna á Opna sikileyska eftir 1. dag með því að smella HÉR: