Ragnheiður Jónsdóttir | september. 21. 2018 | 21:00

Evróputúrinn: Haraldur Franklín komst á 2. stig úrtökumótsins

Haraldur Franklín Magnús atvinnumaður úr GR, komst í gegnum niðurskurð á 1. stigi úrtökumóts fyrir þátttökurétt á Evrópumótaröð karla, sem fram fór í Austurríki 18.-21. september 2018 í Schloss Ebreichsdorf golfklúbbnum í Austurríki.

Haraldur Franklín lék á samtals 9 undir pari, 279 höggum (69 70 69 71).

Hann varð T-20 sem dugði til en 20 efstu og þeir sem jafnir voru í 20. sætinu fá þátttökurétt á 2. stigi úrtökumótsins.

Ólafur Björn Loftsson, tók einnig þátt í úrtökumótinu en komst því miður ekki áfram. Hann lék á 5 undir pari, 283 höggum (75 70 67 71).

Sjá má lokastöðuna á úrtökumótinu í Schloss Ebreichsdorf með því að SMELLA HÉR: