Evróputúrinn: Guðmundur Ágúst keppir í sínu 3. móti nú í vikunni

Guðmundur Ágúst Kristjánsson, atvinnukylfingur úr GKG, leikur á sínu þriðja móti á keppnistímabilinu á DP World Tour mótaröðinni í þessari viku.

Mótið sem hefst á fimmtudaginn og fer fram dagana 8.-11. desember, heitir Alfred Dunhill Championship og fer fram á Leopard Creek vellinum í Malelane

Guðmundur Ágúst var aðeins einu höggi frá því að komast í gegnum niðurskurðinn á öðru móti tímabilsins í síðustu viku.

Fjórða mótið í þessari keppnistörn hjá Guðmundi verður á eyjunni Máritíus á Indlandshafi dagana 15.-18. desember.

Smelltu hér fyrir rástíma, stöðu og úrslit mótsins.

Alfred Dunhill Championship á sér langa sögu á DP World Tour. Fyrst var keppt árið 1995 og margir þekktir kylfingar hafa sigrað á þessu móti. Má þar nefna Suður-Afríkumennina Ernie Els, og Charl Schwartzel, Ástralann Adam Scott og Nick Price frá Zimbabve – en þeir hafa allir sigrað á risamóti.

Mótið er einnig hluti af Sunshine Tour mótaröðinni í Suður-Afríku. Um helmingur keppenda kemur frá Suður-Afríku. Á þessu tímabili verða sex mót á DP World Tour haldin í samvinnu við Sunshine Tour í Suður-Afríku.

Leopard Creek völlurinn er staðsettur við Kruger þjóðgarðinn í Suður-Afríku. Staðsetning vallarins er einstök þar sem að flest villt dýr Afríku eiga sér samanstað í þessum þjóðgarði.

Mótaskrá DP World Tour 2022-2023 er hér:

Fjórða mótið í þessari keppnistörn fer fram 15.-18. desember þegar AfrAsia Bank Mauritius Open.