Evróputúrinn: Garcia vann glæsilegan sigur!

Það var Sergio Garcia, sem sigraði á Castelló Masters á heimavelli sínum Club de Campo del Mediterráneo.  Sergio var á samtals -27 undir pari, samtals 257 höggum (67 63 64 63).  Glæsilegir hringir og glæsileg endurkoma hjá Sergio Garcia, sem er búinn að vera sigurlaus í 3 ár!

Sergio vann landa sinn Gonzalo Fdez-Castaño, sem varð í 2. sæti með 11 högga mun. Þetta jafnar 3. mesta mun í sögu Evróputúrsins á sigurvegara og þess, sem kemur næstur á móti Evrópumótaraðarinnar.

Tiger Woods sigraði með mesta mun árið 2000 á US Open Championship, þar sem hann átti 15 högg á næsta mann og Ernie Els átti 13 högg á þann næsta á Asian Open 2005.

„Þetta var fyrir Seve“ sagði Sergio og sendi fingurkoss í átt að himnum eftir sigurinn.  Seve (Severiano Ballesteros) dó, s.s. allir muna 7. maí s.l. úr heilaæxli, sem hann var búinn að berjast við síðan 2008.

Í 3. sæti urðu Svíinn Alexander Noren, sem kom inn á 64 höggum í dag og Skotinn Richie Ramsey, sem kom inn á 65 höggum í dag, en báðir voru samtals -15 undir pari, þ.e. 12 höggum á eftir Sergio Garcia.

Til þess að sjá úrslit á Castelló Masters smellið HÉR: 

Heimild: europeantour.com