Evróputúrinn: Fremur óþekktur Spánverji Javier Colomo í forystu á UBS Hong Kong Open eftir 1. dag

Það er fremur óþekktur spænskur kylfingur Javier Colomo sem leiðir eftir 1. dag á UBS Hong Kong Open.  Hann var á 6 undir pari, 64 höggum, fékk 6 fugla og 12 pör, þ.e. skilaði inn hreinu skorkorti og skaust þar með með 1 höggi yfir þann sem leiddi mest allan morguninn, Miguel Ángel Jiménez.

Jiménez er ekki einn í 2. sæti heldur náði Ástralinn Andrew Dodt einnig að skjóta sér í 2. sætið, en báðir eru þeir á 5 undir pari.

Í 4. sæti eru 5 kylfingar sem allir eru búnir að spila á 4 undir pari, 66 höggum: Kínverjinn Lian-wei Zhang; Spánverjinn José Maria Olázabal; Svíinn Fredrik Anderson Hed; YE Yang frá Suður-Kóreu og Lorenzo Gagli frá Ítalíu.

Rory McIlroy, sem á titil að verja virðist vera að taka það rólega er á 3 yfir pari, 73 höggum og er í 93. sæti – það er eins og hann sé ekkert að berjast vonist bara til að sleppa við að komast í gegnum niðurskurð og komast þar með fyrr til kærestu sinnar Caroline Wozniacki; enda nú þegar búinn að tryggja sér 1. sætið á peningalistum Evrópumótaraðarinnar og PGA Tour.

Til þess að sjá stöðuna eftir 1. dag á UBS Hong Kong Open eftir 1. dag SMELLIÐ HÉR: