Evróputúrinn: Carlos Del Moral í efsta sæti eftir 3. hring Madeira Islands Open

Það er Spánverjinn Carlos Del Moral, sem leiðir eftir 3. hring Madeira Islands Opan. Del Moral hefir 3 högga forystu á þá sem næstir koma.  Hann er búinn að spila á samtals -17 undir pari, samtals 199 höggum (69 67 63).  Del Moral kom inn á besta skorinu í dag, glæsilegum 63 höggum á hring þar sem hann spilaði skollafrítt og fékk 9 fugla þ.á.m. fékk hann 4 fugla í röð á 6.-9. braut.

Carlos Del Moral.

Carlos del Moral náði þeim glæsilega árangri að verða í 2. sæti á Q-school Evrópumótaraðarinnar 2010 en lokaúrtökumótið fór fram á PGA Golf Catalunya vellinum í Girona, á Spáni í desemberbyrjun (4.-10. desember 2010) það ár. Þetta er því 2. keppnistímbil hans  og takist honum að sigra á morgun verður það fyrsti sigur hans á Evrópumótaröðinni.

Í 2. sæti er Svíinn Joakim Lagergren, á samtals – 14 undir pari, 202 höggum, (66 66 70).

Fjórir kylfingar deila 3. sætinu: Svíarnir Mikael Lundberg og Magnus A Carlson, Englendingurinn Oliver Wilson (sem leiddi í gær) og Portúgalinn Ricardo Santos, á -13 undir pari, á samtals 203 höggum, hver.

Til þess að sjá stöðuna í heild eftir 3. dag á Madeira Islands Open, smellið HÉR: