Evróputúrinn: Birgir Leifur T-58 á Valderrama Masters þegar leik var frestað

Birgir Leifur Hafþórsson, atvinnukylfingur úr GKG, lék í dag 4 fyrstu holur á 1. hring á Andalucia Valderrama Masters mótinu, sem er mót vikunnar á Evróputúrnum.

Síðan var leik frestað vegna eldinga og seinna myrkurs og gat Birgir Leifur ekki lokið við hring sinn, sem verður fram haldið kl. 9:00 að staðartíma á morgun 19. október.

Birgir Leifur hóf leik á par-4 10. holunni og fékk par á hana og næstu tvær holur, en fékk síðan skolla á par-4 13. holuna.

Eftir 1. dag er enski kylfingurinn Ashley Chesters efstur, en hann kom í hús í dag á 5 undir pari, 66 höggum og er einn af fáum kylfingum, sem tókst að ljúka við hring sinn 1. dag.

Til þess að sjá stöðuna eftir 1. dag á Valderrama Masters SMELLIÐ HÉR: