
Evróputúrinn: Bello, Brier, Hoey og Oosthuizen, deila efsta sætinu á Alfred Dunhill
Nú er aftur komið að Alfred Dunhill mótinu en það er haldið á 3 völlum í Skotlandi: St. Andrews, Carnoustie og Kingsbarns. Spilað verður dagana 29. september -2. október.
Eftir fyrsta daginn eru 4 sem leiða hóp 168 keppenda: Louis Oosthuizen frá Suður-Afríku, Marcus Brier frá Austurríki, Norður-Írinn Michael Hoey og Rafael Cabrera-Bello frá Gran Kanarí (golfklúbbur hans er Maspalomas, sem margir Íslendingar kannast við).
Ofangreindir 4 kylfingar luku allir leik á 66 höggum og eru því -6 undir pari. Oosthuizen vann fyrsta risamótstitil sinn 2010 á Opna breska og sagði í tilefni dagsins, eftir að ljóst var að hann væri í forystu á Alfred Dunhill: „Það var gaman að koma tilbaka og upplifa allt aftur. Það var skemmtilegt að spila æfingahring á St. Andrews í gær með bróður mínum. Ég sýndi honum hvar sum högga minna lentu og svoleiðis hluti.”
Hápunktur dagsins hjá Norður-Íranum Michael Hoey var örninn, sem hann fékk á par-5 18. brautinni. Hann sagði um örninn sinn: „Við vissum að þetta var inni í myndinni vegna þess að það var meðvindur og ég sló gott dræv,” sagði hann m.a.
Austurríkismaðurinn Marcus Brier var fyrsti Austurríkismaðurinn til þess að sigra á Evrópumótaröðinni, en hann náði ekki að vera meðal 115 efstu á síðasta keppnistímabili og er í svipuðum vandræðum í ár. Sem er, er Brier í 109. sæti og með góðu gengi á Alfred Dunhill er hann að vonast eftir að tryggja stöðu sína og kortið eftirsótta. „Ég er enn að vonast eftir að vinna mér inn nægilega mikinn pening til þess að fá kortið mitt,” sagði hann. „Þetta er síðasta stóra tækifærið mitt, þannig að ef allt gengur upp þá er það gott – það auðveldar afgang keppnistímabilsins.”
Loks er Rafael Cabrera Bello meðal þeirra 4 sem deila 1. sætinu eftir 1. dag. Hann vann Opna austurríska fyrir 2 árum (með frábærum lokahring upp á 60 högg) en hefir ekki verið meðal topp-10 á Evrópumótaröðinni síðan í vor. Hann sagði:„Ég byrjaði vel á fyrri 9 og fór virkilega í gang við örninn á 3. braut (tók upp 7. járn og setti boltann 2 metra frá pinna),” sagði hann. „En eftir að 4 fuglar fylgdu á 7 brautum, þá vissi ég að ég ætti von á ágætis skori og á var undir svolítilli pressu seinni 9 vegna þess að ég vildi ekki eyðileggja fyrir mér.”
Sex kylfingar deila síðan 5. sætinu, komu inn á 67 höggum aðeins 1 höggi á eftir fjórmenningunum í forystunni. Þeir eru: Graeme McDowell, frá Norður-Írlandi; Jaco Van Zyl frá Suður-Afríku; Bretinn James Morrison; SkotarnirJames Byrne og Marc Warren og Frakkinn Grégory Havret.
Til þess að sjá stöðuna á Alfred Dunhill smellið HÉR:
- janúar. 28. 2023 | 20:00 Golfgrín á laugardegi (4/2023)
- janúar. 27. 2023 | 16:00 Afmæliskylfingar dagsins: Bryce Moulder og Mike Hill – 27. janúar 2023
- janúar. 26. 2023 | 16:00 Afmæliskylfingur dagsins: Bjarni Benediktsson – 26. janúar 2023
- janúar. 25. 2023 | 16:00 Afmæliskylfingar dagsins: Sjöfn Har, Heimir Hjartarson, Svandís Thorvalds og Brynja Sigurðardóttir – 25. janúar 2023
- janúar. 24. 2023 | 16:00 Afmæliskylfingur dagsins: Ingunn Einarsdóttir – 24. janúar 2023
- janúar. 23. 2023 | 16:00 Afmæliskylfingur dagsins: Yani Tseng ———– 23. janúar 2023
- janúar. 23. 2023 | 06:00 PGA: Xander Schauffele með fyrsta albatrossinn á ferlinum á AmEx Open
- janúar. 23. 2023 | 05:15 Hvað var í sigurpoka Brooke Henderson?
- janúar. 23. 2023 | 05:00 PGA: Rahm rúllaði upp AmEx Open
- janúar. 22. 2023 | 22:40 Champions: Stricker sigraði í Hawaii
- janúar. 22. 2023 | 22:30 LPGA: Sigur Brooke Henderson öruggur á Hilton Grand Vacations TOC!!!
- janúar. 22. 2023 | 16:00 Afmæliskylfingur dagsins: Sigurbjörn Sigfússon og Unnur Ólöf Halldórsdóttir – 22. janúar 2023
- janúar. 22. 2023 | 14:45 Evróputúrinn: Victor Perez sigraði á Abu Dhabi HSBC meistaramótinu
- janúar. 21. 2023 | 23:59 LPGA: Brooke Henderson leiðir á Hilton Grand Vacations TOC f. lokahringinn
- janúar. 21. 2023 | 20:00 Golfgrín á laugardegi (3/2023)