Evróputúrinn: Alvaro Quiros leiðir í Dubai eftir 2. dag

Það er Spánverjinn, Alvaro Quiros, sem leiðir eftir 2. dag Dubai World Championship.  Hann átti glæsihring upp á 64 högg í dag, þ.e. -8 undir pari. Sleggjan Quiros fékk 6 fugla og svo æðislegan örn á par-5, 18. brautina á Jumeirah Estate golfvellinum, á annars skollafríum hring. Glæsilegra gerist það varla! Samtals er Alvaro Quiros því búinn að spila á -12 undir pari (68 64).

Í 2. sæti er Svíinn Peter Hanson, sem leiddi í gær, 4 höggum á eftir Quiros, á samtals -8 undir pari.  Þriðja sætinu deila þeir Robert Rock frá Englandi og Norður-Írinn Rory McIlroy, en sá síðarnefndi verður að sigra á mótinu til þess að varna því að Luke Donald nái 1. sæti á peningalistum Evrópumótaraðarinnar og PGA mótaraðarinnar bandarísku, fyrstur kylfinga í ár. Sigur dugir þó ekki verði Luke Donald í einu af efstu 9 sætunum á mótinu. Luke Donald hreinlega flaug upp skortöfluna í dag og er í 12. sæti sem stendur og lítur því mjög vel út með að hann nái ætlunarverki sínu að verða í einu af 9 efstu sætunum.

Til þess að sjá stöðuna á Dubai World Championship eftir 2. dag smellið HÉR: