Evróputúrinn: Africa Open hefst í dag – Richard Sterne snýr aftur eftir langa fjarveru

Í dag hefst 1. mót ársins 2012 á Evrópumótaröðinni – Africa Open. Það fer fram á East London golfvellinum í Suður-Afríku. Meðal keppenda eftir langa fjarveru er fimmfaldur sigurvegari á Evróputúrnum Richard Sterne, frá Suður-Afríku. Hann snýr aftur til keppni eftir þrálát bakmeiðsli sem hafa verið að há honum frá því í febrúar á s.l. ári.

Þrátt fyrir að hafa verið fjarverandi og þrátt fyrir æfingaskort getur hinn þrítugi Sterne huggað sig við að hann er með frábæran feril heima við þar sem hann hefir sigrað 3 af 5 titlum sínum á Evrópumótaröðinni þ.á.m. vann hann 2 mót í röð 2009 –  Alfred Dunhill Championship og South African Open Championship.

„Ég keppti síðast á Telkom PGA Championship í febrúar á s.l. ári þannig að ég er svolítið stressaður. Ég hef spilað 5 x 9 holur s.l. 3 vikur og í dag (þ.e. í gær) spilaði ég í fyrsta sinn 18 holur í næstum ár. Það gekk bara furðu vel, þannig að ég er bjartsýnn, með fyrirvara, fyrir helgina.“

Eftir að hafa náð 29. sætinu á heimslistanum eftir sigra hans 2 í röð 2009, þá er Sterne ná dottinn út af topp-100 vegna baráttu hans við gigt.

„Ég er með 3 bólgna diska á mismunandi stöðum í bakinu og var greindur með ankylosing spondylitis, sem er ein tegund gigtar,” bætti Sterne við.

„Því miður er ekki til fljótvirk lækning i fyrir þessháttar ástand og batinn aðeins mögulegur yfir langan tíma. Í upphafi var ég ekki nægilega þolinmóður og gaf meðferðinni ekki tækifæri til að virka, þannig að eftir 1 eða 2 vikur var ég komin á hækjur aftur.“

„Þessir diskar í bakinu hafa valdið mér miklum verkjum, m.a. afleiddum verkjum í rifjum og þeir hafa takmarkað hreyfigetu mína. Ég varð mjög stífur í efri parti líkamans og gat ég undið upp á bolinn 1 cm til hvorrar hliðar. Gigtin hjálpaði ekki til heldur.“

„Í þessari íþrótt (golfi) verður maður að æfa þó nokkra tíma á dag, 6 daga vikunnar í margar vikur til þess að vera í topp formi. Ég hef haldið meðferðina út og verið í ræktinni s.l. 11 mánuði og fór á lyf vegna ankylosing spondylitis gigtarinnar. Mér líður betur en nokkru sinni og ég er tilbúin til keppni.”

Vegna langrar fjarveru sinnar frá golfi þá byrjar Sterne 2012 Race to Dubai á læknisundanþágu … en vonast til að breyta því að einum uppáhaldsgolfvelli sínum.

„Ég bara elska þennan völl,“ sagði Sterne um East London, golfvöllinn, þar sem hann á vallarmetið. „Ég spilaði á  Inter-Provincial hér, 1997 og á áhugamannamóti Suður-Afríku (ens.: SA Amateur) og mér gekk nokkuð vel þannig að ég er með góðar minningar af vellinum. Ég hugsa að völlurinn sé henti sérlega karlmönnum – hugsandi karlmönnum. Mér finnst gaman að því að maður verður að treysta mikið á tilfinningu þegar maður spilar völlinn.

„Það er nokkuð vindasamt á vellinum og það kemur illa við þó nokkra kylfinga. Ég hugsa að völlurinn henti mér vel og það er þess vegna sem það er svo spennandi að koma aftur á þennan völl.“

„Ég get ekki sagt að ég hafi ekki áhyggjur af því hvernig ég spila í þessari viku. Ég vil koma hingað og farnast vel; Ég býst við því af mér að mér gangi vel. Ég gæti verið nokkuð harður við mig. Mér finnst ég vera að spila nokkuð vel, þannig að ef ég næ að vera stöðugur gæti ég átt möguleika á sunnudaginn.“

Heimild: europeantour.com