Evrópumót eldri kylfinga: Sigurbjörn T-13 og Halldór T-86 e. 1. dag

Tveir íslenskir keppendur eru á Evrópumóti eldri kylfinga sem fram fer á Pärnu Bay Golf Links í Eistlandi dagana 9.- 11. júní. Keppt er í flokki 50 ára og eldri og +60 ára.

Alls eru 145 keppendur í karlaflokki og er leikið af hvítum teigum á þessu móti. Leiknar verða 54 holur, 18 holur á dag á þremur keppnisdögum.

Halldór Birgisson, frá Golfklúbbnum Höfn í Hornafirði (GHH) og Sigurbjörn Þorgeirsson, frá Golfklúbbi Fjallabyggðar (GFB) eru á meðal keppenda. Þeir félagar eru báðir með 0,1 í forgjöf en lægsta forgjöf mótsins er +3,8 og hæsta forgjöf mótsins er um 10. Báðir keppa í flokki 50+.

Halldór og Sigurbjörn tóku báðir þátt á Opna spænska meistaramótinu fyrir eldri kylfinga á Lakes vellinum við Tarragona í febrúar á þessu ári þar sem þeir náðu flottum árangri.

Eftir 1. dag er Sigurbjörn T-13; lék á 4 yfir pari, 76 höggum.

Halldór lék á 14 yfir pari, 86 höggum og er T-86 af 105 keppendum í fl. 50+

Í aðalmyndaglugga: f.v. Halldór Birgisson (GHH) og Sigurbjörn Þorgeirsson (GFB). Heimild og mynd: GSÍ.