Evrópu- og Asíutúrinn: Alejandro Canizares og Peter Whiteford efstir á Avantha Masters á Indlandi eftir 1. dag

Í gær hófst í Delhi Golf & Country Club í Nýju-Delhi á Indlandi Avantha Masters mótið, sem er sameiginlegt mót  Asíutúrsins og Evrópumótaraðarinnar.

Eftir 1. dag eru  það Spánverjinn Alejandro Cañizares og Skotinn Peter Whiteford sem leiða en báðir komu í hús á -6 undir pari, 66 höggum.

Í 3. sæti er ítalski kylfingurinn Federico Colombo, sem lék einu höggi síður en þeir kumpánar Cañizares og Whiteford, þ.e. var á -5 undir pari.

John Daly er einn 132 keppenda en hætti keppni eftir hring upp á 79 högg. Það var trjárót á 9. braut sem var eitthvað að þvælast fyrir honum og þegar hann sló af fullu afli í bolta sinn hafði það þær afleiðingar að hann tognaði á handlegg og lék seinni 9 sárþjáður. Hann fékk aðeins 1 fugl á hringnum, en það var einmitt á slysabrautinni.

Til þess að sjá stöðuna eftir 1. dag á Avantha Masters smellið HÉR: