Evróputúrinn: Simon Dyson leiðir fyrir lokahringinn í Sevilla

Það er enski kylfingurinn Simon Dyson sem leiðir eftir 3. dag á Open de España mótinu í Sevilla. Dyson er búinn að spila á samtals -5 undir pari, samtals 211 höggum (71 69 71), sem er frábært skor, sem allir sem  spilað hafa  golfvöll Real Club de Sevilla vita, en völlurinn er níðingslega þungur, jafnvel þegar hann er ekki uppsettur eins og Dyson var að spila hann í dag.

Í 2. sæti aðeins 1 höggi á eftir Dyson eru heimamaðurinn Pablo Larazabal og Daninn Sören Kjeldsen.  Báðir eru búnir að spila á -4 undir pari, 212 höggum; Larazabal (71 72 69) og Kjeldsen (71 70 71).

Í 4. sæti er Spánverjinn Jorge Campillo, á -3 undir pari og í 5. sæti landi hans Alejandro Cañizares á -2 undir pari samtals.

Til þess að sjá stöðuna á Open de España eftir 3. dag smellið HÉR: