Evróputúrinn: Charl Schwartzel efstur eftir 1. dag Maybank Malaysian Open

Það er Charl Schwartzel sem er efstur eftir 1. dag Maybank Malaysian Open. Hann kom í hús á 64 höggum í dag, fékk 9 fugla og 1 skolla s.s. Golf 1 greindi frá fyrr í morgun. Engum tókst að spila betur en Charl Schwartzel í dag.

„Louis og ég byrjuðum vel og það er alltaf gott þegar einhver í hollinu er að spila vel og dregur mann áfram,“ sagði Schwartzel. „Louis er að spila svo vel að áhrifamikið er að horfa á og það hjálpaði mér,“ bætti hann við.

Það er undravert að Schwartzel skuli vera að spila svona vel, eftir að hafa flogið í kringum hálfan hnöttinn og eftir að hafa tekið þátt á 1. risamóti ársins. Venjulegir kylfingar væru þreyttir!

„Mér leið bara furðuvel í dag. Ég fékk góðan nætursvefn og vaknaði í morgun fyrir vekjaraklukkuna. Ég finn meira fyrir þreytunni síðdegis en í morgun leið mér vel. Ég fer seinna í dag og hvíli mig.  Vonandi get ég gert það sama á morgun.  Það er langur vegur eftir. Það er mikið af fuglafærum en ef ég get haldið áfram að spila eins og ég gerði í dag ætti ég að eiga möguleika (á sigri) á sunnudaginn.“

Í 2. sæti er Indverjinn Jeev Milkha Singh, 1 höggi á eftir Schwartzel á 65 höggum, -7 undir pari.

Þriðja sætinu deila landi Jeev, Ryoti Randhawa og sömu menn og í morgun, Jason Knutzon frá Bandaríkjunum og spilafélagi Schwartzel, Louis Oosthuizen, allir á 66 höggum, hver; 2 höggum á eftir Schwartzel, þ.e. á -6 undir pari hver.

Sjötta sætinu deila 3 kylfingar, sem allir skiluðu sér í hús á 67 höggum, Skotinn Stephen Gallacher, Spánverjinn Rafael Cabrera-Bello, Filipseyingurinn Antonio Lascuna, allir á -5 undir pari hver.

Til þess að sjá stöðuna eftir 1. dag smellið HÉR: