EPD: Þórður Rafn í 4. sæti f. lokahring á Open Madaef

Þórður Rafn Gissurarson, GR, er í fjórða sæti fyrir lokahringinn á Open Madaef atvinnumótinu sem fram fer í Marokkó. Þórður náði ekki að fylgja eftir góðum fyrsta hring þar sem hann var efstur á -4 en hann lék á 75 höggum +3 í dag. Þórður fékk þrjá skolla á hringnum og lék aðrar brautir á pari.

Hann er jafn í fjórða sæti á -1 samtals en franskur kylfingur er efstur á -6 samtals. Þetta er ellefta mótið hjá Þórði á tímabilinu en besti árangur Þórðar Rafns er áttunda sætið á þessu tímabili.

Fimm efstu á stigalista Pro Golf mótaraðarinnar tryggja sér sæti á Áskorendamótaröðinni á næsta tímabili – sem er næst sterkasta atvinnumótaröð í Evrópu. Að auki tryggja þeir sér sæti á öðru stigi af alls þremur á úrtökumótinu fyrir Evrópumótaröðina.

Pro Golf mótaröðin, er einnig þekkt undir nafninu EPD mótaröðin, en frá árinu 2001 hefur mótaröðin verið í flokki mótaraða sem teljast til þriðju deildar í Evrópu.
Margir þekktir kylfingar hafa farið í gegnum Pro Golf mótaröðina og má þar nefna Martin Kaymer frá Þýskalandi, sem hefur sigrað á risamóti og leikið með Ryderliði Evrópu. Marcel Siem, landi hans, hefur einnig farið í gegnum þessa mótaröð.

Til þess að sjá stöðuna í mótinu e. 2. dag SMELLIÐ HÉR: 

Heimild: golf.is