Ragnheiður Jónsdóttir | október. 29. 2012 | 10:30

Enn um Jesper Parnevik og „Gangnam Style“ tónlistarmyndband hans

Golf 1 sýndi fyrir skemmstu tónlistarmyndband með sænska PGA kylfingnum Jesper Parnevik þar sem hann tekur „Gangnam Style“ lag kóreanska rapparans PSY  SJÁ HÉR: 

Nánar tiltekið birti Golf 1 frétt af myndbandinu fimmtudaginn fyrir viku, 25. október 2012,  en sama dag kom Jesper Parnevik fram í golfþætti Golf Channel Morning Drive til þess að ræða um myndbandið.

Jesper sagði á Morning Drive að upphaflega hefði myndbandið bara átt að koma fyrir augu nokkurra vina fjölskyldunnar. Brenda vinkona hans hefði átt 40 ára afmæli og hann hefði ákveðið að smala saman nokkrum vinum og fjölskyldumeðlimum til þess að búa til vídeó-ið.  Jesper sagði að eiginkona hans, Mia (sem einnig kemur fram í myndbandinu ásamt 4 börnum þeirra hjóna) hefði farið af stað og tekið nokkur myndskeið af golfvinum þeirra með fyndnar hárkollur.  Eins komu krakkar þeirra 4 þau : Pebble Peach Philippa Parnevik, Ida Josefin Peg Parnevik, Phoenix Parnevik og Penny Parnevik, fram í því . Hann sagði að myndskeiðin hefðu verið viðvaningsleg, en þau hefðu skemmt sér konunglega við gerð þeirra.  Það tók um 20 klst að klippa þau og víðdeó-ið varð vinsælt meðal vinanna og síðan líka á YouTube. Upphaflega stóð ekkert til að það kæmi fyrir almennings sjónir, en krakkar Parnevik, sem þátt tóku, vildu endilega hafa það svo og Jesper lét það eftir þeim.

Jesper Parnevik hefir sem atvinnukylfingur sigrað á 15 mótum og er margfaldur milljónamæringur og þótt illa hafi gengið á PGA s.l. keppnistímabil (hann komst aðeins í gegnum niðurskurð í 2 af 14 tilvikum) m.a. vegna þrátlátra meiðsla. En hann hefir enga þörf fyrir að græða á myndbandinu, því hann er margfaldur milljónamæringur m.a. eftir sigra á 5 PGA mótum og 4 mótum á Evróputúrnum og fjölda auglýsingasamninga.

Hann sagðist oft hafa búið til svipuð myndskeið fyrir vini sína, en ekkert þeirra hefði komið fyrir augu almennings áður.

Þeir atvinnukylfingar sem fram koma í „Gangnam Style“ eru: Dustin Johnson, Fredrik Jacobson, Richard S. Johnson, Marc Turnesa, og Will Mackenzie (þessi í gulu fötunum m.a. á þakinu, sem missir skóinn :-)) og þeir  skemmtu sér allir vel.  Parnevik sagði ennfremur að til hefði staðið að fá  Mark Calcavecchia, Steve Marino, Rickie Fowler og  Camilo Villegas til að taka þátt, en þeir komust ekki vegna golfdagskráa sinna.

Myndbandið er skemmtilegt og mjög vinsælt þessa dagana. Til að sjá það SMELLIÐ HÉR: