EM: Stákarnir okkar í 3. sæti eftir 1. dag!!!

Karlalandslið Íslands í golfi tekur þátt í European Men´s Challenge Trophy 2013 sem fram fer í Tékklandi dagana 11. – 13. júli. Hér er hægt að finna upplýsingar um mótið en um er að ræða undankeppni fyrir Evrópumót karlalandsliða sem fram fer á næsta ári.  Þrjár þjóðir af tíu komast á sjálft Evrópumótið að ári, auk Íslands eru það Belgía, Tékkland, Eistland, Ungverjaland, Rússland, Serbía, Slóvakía, Slóvenía og Tyrkland sem taka þátt.

European Men´s Challenge Trophy er 54 holu höggleikur, leiknar eru 18 holur á dag þá þrjá daga sem mótið fer fram. Í hverju liði eru sex leikmenn og telja fimm bestu skorin. Verði jafnt þá telur sjötti kylfingurinn einnig.

Íslenska karlalandsliðið skipa eftirfarandi kylfingar.

Andri Þór Björnsson, Golfklúbbi Reykjavíkur

Axel Bóasson Golfklúbbnum, Keili

Guðmundur Ágúst Kristjánsson, Golfklúbbi Reykjavíkur

Haraldur Franklín Magnús, Golfklúbbi Reykjavíkur

Ragnar Már Garðarsson, Golfklúbbi Kópavogs og Garðabæjar

Rúnar Arnórsson, Golfklúbbnum Keili

_______________________________________

Haraldur Franklín, GR lék frábært golf í dag (á 1. degi mótsins) en hann er í 3. sæti í einstaklingskeppninni á 73 höggum; Andri Þór, GR er í 10. sæti; Ragnar Már, GKG er í 11. sæti; Axel, GK og Rúnar, GK eru í 30. sæti og Guðmundur Ágúst, GR, er í 34. sæti.

Þátttakendur (einstaklingar) eru 60.

Í liðakeppninni er íslenska karlalandsliðið í 3. sæti á samtals 22 yfir pari; á eftir Belgum sem eru á samtals 13 yfir pari og „heimamönnum“ Tékkum, sem eru á17 yfir pari.  Á hæla íslenska liðsins eru Rússar og munar aðeins 1 höggi á liðunum.

Hér má sjá stöðuna.