EM í liðakeppni stúlkna 2023: Ísland varð í 14. sæti

Evrópumót í liðkeppni stúlkna fór fram í Golf Club d’Hossegor, í Frakklandi, dagana 11.-15. júlí sl.

Alls tóku 16 þjóðir þátt í mótinu í ár.

Stúlknalandslið Íslands var skipað eftirfarandi kylfingum:

Berglind Erla Baldursdóttir, GM
Eva Kristinsdóttir, GM
Fjóla Margrét Viðarsdóttir, GS
Helga Signý Pálsdóttir, GR
Pamela Ósk Hjaltadóttir, GM
Sara Kristinsdóttir, GM

Þjálfari stúlknalandsliðs Íslands var Dagur Ebenezersson  og sjúkraþjálfari þess Ása Dagný Gunnarsdóttir.

Leikinn var höggleikur fyrstu tvo keppnisdagana og holukeppni næstu þrjá daganna.  Keppt var í 2 riðlum: A-riðli þar sem kepptu landslið þeirra þjóða sem urðu í efstu 8 sætunum eftir höggleikshlutann – hinar 8 þjóðirnar kepptu í B-riðli.

Hér verður sundurliðað farið í keppnisdaga Evrópumeistaramótsins:

1. keppnisdagur

Íslensku stúlkurnar voru í 16. og síðasta sæti eftir daginn – spiluðu með eftirfarandi hætti:

Helga Signý Pálsdóttir lék á 77 höggum (+6 ) = 63. sæti.
Pamela Ósk Hjaltadóttir lék á 77 höggum (+6) = 63 sæti.
Sara Kristinsdóttir lék á 81 höggi (+10) = 86. sæti.
Berglind Baldursdóttir lék á 81 höggi (+10) = 86. sæti.
Eva Kristinsdóttir lék á 86 höggum (+15) = 93. sæti.

2. keppnisdagur

Íslenska stúlknalandsliðið var í 16. og síðasta sætinu eftir höggleikshlutann; léku á +83. Spænska landsliðið lék best allra, þ.e. á samtals -9 undir pari.

3. keppnisdagur

Ísland mætti Þjóðverjum og er skemmst frá því að segja að þýska liðið sigraði í öllum leikjum 5-0.

4. keppnisdagur

Í hörkuviðureign við Pólverja hafði íslenska stúlknaliðið betur 3-2.

5. keppnisdagur

Ísland tapaði naumt fyrir liði Austurríkis í slag um 13. sætið 2-3. Niðurstaðan var því 14. sætið!

Lokastaðan í EM stúlknalandsliða 2023 var eftirfarandi:

A

1. Spánn
2. Ítalía
3. Holland
4. Svíþjóð
5. Írland
6. England
7. Danmörk
8. Frakkland
9. Belgía

_________________

B
10. Þýskaland
11. Tékkland
12. Sviss
13. Austurríki
14. Ísland
15. Pólland
16. Skotland

Sjá má öll úrslit á EM stúlknalandsliða með því að SMELLA HÉR: