Ragnheiður Jónsdóttir | október. 7. 2019 | 07:00

EM klúbbliða: GKG í 7. sæti – Hulda Clara sigraði í einstaklingskeppninni!!!

Íslandsmeistarasveit GKG í kvennaflokki náði góðum árangri á Evrópumóti golfklúbba 2019 Mótið fór fram í Ungverjalandi á Balaton vellinum og er haldið á vegum EGA

Hulda Clara Gestsdóttir, Eva Gestsdóttir og Árný Eik Dagsdóttir skipuðu lið GKG.

GKG var í 12. sæti í liðakeppninni fyrir lokahringinn en með frábærri spilamennsku Huldu og Evu náði GKG að fara upp í 7. sæti á lokahringnum.

Tvö bestu skorin töldu í hverri umferð en Árný Eik varð að hætta keppni á lokakeppnisdeginum eftir að hafa lokið við 9 holur.

Hulda Clara lék best allra í einstaklingskeppninni og stóð uppi sem sigurvegari í einstaklingskeppninni. Hún lék hringina þrjá á +2 samtals ( 74-75-69) við erfiðar aðstæður í Ungverjalandi. Hún var 7 höggum betri en næsti keppandi.

Sjá má lokastöðuna á EM klúbbliða með því að SMELLA HÉR: