Ekki slá á vallarstarfsmenn! – Vídeó

Nú fara golfvellirnir hérlendis að opna hér á landi, hver á fætur öðrum og þá er oft svo að á stærstu golfvöllunum eru einn eða fleiri vallarstarfsmenn að störfum, þegar kylfingar spila hringi sína.

Hver hefir ekki staðið á teig og einhver vallarstarfsmaður í farartæki sínu fer hring eftir hring á flöt eða braut og tefur hringinn?

Kylfingum er uppálagt að halda uppi leikhraða, margir eru tímabundnir, golfið er jú nógu tímafrek íþrótt svo ekki bætist við að einhver vallarstarfsmaður  sé að dúlla sér við að sinna starfi sínu á kostnað kylfingsins, sem búinn að er greiða fyrir vallargjöldin dýrum dómum (hvort heldur er í félagsgjöldum eða sem gestur).

Sumum kylfingum finnast vallarstarfsmennirnir bara gera sér leik að því að tefja leik þeirra og þá er einfaldlega tekið til þess ráðs að slá á þá.

ÞAÐ ÆTTI EKKI AÐ GERA UNDIR NEINUM KRINGUMSTÆÐUM.

Vallarstarfsmenn eru oft í eiginn heimi, með eyrnarhlífar og lítið að spá í öðru en að klára verkefnið sem fyrir höndum er.  Að slá á þá, til að ná athygli þeirra og taka hættuna á að meiða þá til þess að fá útrás fyrir andartaks pirring leysir engan vanda og er líklegt til að eyðileggja daginn bæði fyrir kylfinginn sem vallarstarfsmanninn, sem þar að auki getur stórslasast ef ekki látist komi golfkúla aðvífandi og hæfi hann.

ÞAÐ ÆTTI ALDREI AÐ SLÁ SÉ FÓLK Á GOLFBRAUTUM EÐA FLÖT.

Hér má sjá ágætis myndskeið bandaríska golfsambandsins (USGA) um hvað kylfingar skuli gera séu vallarstarfsmenn „fyrir“ SMELLIÐ HÉR: