Ekkert verður af golfstað Tiger í Dubai

Búið er að rifta samningum við Tiger Woods um að fyrirtæki hans hanni og eigi hluti í golfstað í Dubai að fullu og öllu.

Skv. frétt ArabianBusiness.com  í fyrradag sagði að Dubai Properties Group, sem er hluti af Dubai Holding hafi rift samningum við Woods, eftir tafir urðu á að reisa golfstað hans 2010 í miðri efnahagskrísunni en verkefnið komst aldrei á skrið aftur.

Til stóð að byggja 100 villur, 75 glæsihýsi og 22 hallir, hótel með fjölda verslana og golfkennsluaðstöðu.  Farið var af stað með verkefnið 2006 og áætluð opnun var 2009.

Tiger hefir síðan beint sjónum sínum að Diamante Cabo San Lucas golfstaðnum í Mexíkó, sem farið var að stað með í fyrra. Þetta er 4. golfstaðahönnunar samningurinn sem gerður er við Tiger Woods Design, eftir að fyrirtækið var stofnað 2006.  Hin verkefnin 3 eru: Punta Brava í Ensenada, Mexíkó, The Cliffs í Asheville, Norður-Karólínu og Al Ruwaya í Dubai. Aldrei var lokið við þau verkefni eða þau opnuð fyrir almenningi.