Eimskipsmótaröðin (4): Mikil spenna á lokahring Íslandsmótsins

Haraldur Franklín Magnús, Íslandsmeistari úr GR, leiðir í karlaflokki fyrir lokahringinn á Íslandsmótinu í höggleik. Haraldur Franklín lék í dag á 69 höggum en hann hefur leikið alla þrjár hringina undir pari vallarins.  Birgir Leifur Hafþórsson, GKG var á mikilli siglingu í gær og lék á 66 höggum, Birgir Leifur saxaði verulega á forskot Haraldar sem nú er aðeins tvö högg. Jafnir í þriðja til sjötta sæti eru þeir Rúnar Arnórsson, GK, Arnar Snær Hákonarsson, GR, Arnór Ingi Finnbjörnsson, GR og Ólafur Björn Loftsson, NK.

Það var ekki síður mikil spenna í kvennaflokki en þar læddi Íslandsmeistarinn Valdís Þóra Jónsdóttir, GL sér upp að hlið Guðrúnar Brá Björgvinsdóttur, GK.  Valdís Þóra lék í gær á 71 höggi eða einu undir pari. Guðrún Brá lék á 75 höggun og tapaði þar með niður fimm högga forystu sem hún hafði þegar Íslandsmótið var hálfnað.  Sunna Víðisdóttir, GR lék vel í gær á sínum heimavelli,  á 71 höggi eða á einu höggi undir pari.

Það er klárlega þess virði að skella sér á Korpúlfsstaðavöll í dag til að fylgjast með okkar bestu kylfingum, en Íslandsmeistarar verða krýndir í kvöld. AÐGANGUR ER FRÍR.  Í lokaráshópi kvenna leika þær Valdís Þóra Jónsdóttir, GL, Guðrún Brá Björgvinsdóttir, GK og Sunna Víðisdóttir, GR.  Hjá körlunum eru það sem fyrr Haraldur Franklín Magnús, GR og Birgir Leifur Harþórsson, GKG ásamt Rúnari Arnórssyni, GK.

Það er fjölmargar leiðir til að fylgjast með lokadeginum því bein útsending hefst á RUV frá kl. 13:30, þeir sem eru með snjallsíma geta hlustað á hljóðrás útsendingarinnar með því að slá inn slóðina hér test.cache.is/golf. Skor keppenda er svo uppfærð beint inn á golf.is, http://www.golf.is/pages/leaderboard/?tournament_id=17079 og á m.golf.is

Staðan í kvennaflokki.

1. sæti                  Valdís Þóra Jónsdóttir                   GL          77/73/71 = 221 +5

2.sæti                   Guðrún Brá Björgvinsdóttir          GK          71/75/75 = 221 +5

3.sæti                   Sunna Víðisdóttir                            GR          82/70/71 = 223 +7

4.sæti                   Ólafía Þórunn Kristinsdóttir        GR          73/79/73 = 225 +9

5.sæti                   Anna Sólveig Snorradóttir           GK          77/76/74 = 227 +11

Staðan í karlaflokki.

1.sæti                   Haraldur Franklín Magnús           GR          68/67/69 = 204 -9

2.sæti                   Birgir Leifur Hafþórsson               GKG      71/69/66 = 206 -7

3.-6.sæti              Rúnar Arnórsson                             GK          70/72/71 = 213 par

3.-6.sæti              Arnar Snær Hákonarson               GR          73/68/72 = 213 par

3.-6.sæti              Arnór Ingi Finnbjörnsson             GR          72/70/71 = 213 par