Eimskipsmótaröðin (3): 4 manna úrslit

Leikjum í 8 manna úrslitum í kvenna- og karlaflokki á Íslandsmótinu í holukeppni sem fram fer á Hamarsvelli er lokið og því ljóst hverjir hafa tryggt sér sæti í undanúrslitum sem fram fara á morgun.

Úrslitin í kvennaflokki voru eftirfarandi: 

Ólafía Þórunn Kristinsdóttir Golfklúbbi Reykjavíkur sigraði Karen Guðnadóttur Golfklúbbi Suðurnesja 5/3 í 8 manna úrslitum á Íslandsmótinu í holukeppni sem fram fer á Hamarsvelli í Borgarnesi.

Tinna Jóhannsdóttir Golfklúbbnum Keili sigraði einnig í sínum leik, en hún lagði Sunnu Víðisdóttur Golfklúbbi Reykjavíkur 3/2. Sigurinn tryggði Ólafíu Þórunni og Tinnu sæti í undanúrslitum í kvennaflokki en áður höfðu þær Signý Arnórsdóttir og Anna Sólveig Snorradóttir báðar úr Golfklúbbnum Keili tryggt sæti sitt.

Á morgun hefjast undaúrslit, í fyrri undanúrslitaleik í kvennaflokki mætast þær Anna Sólveig Snorradóttir GK og Ólafía Þórunn Kristinsdóttir GR.  Í hinum undanúrslitaleiknum mætast Tinna Jóhannsdóttir GK og núverandi  Íslandsmeistari Signý Arnórsdóttir GK.

Úrslit í karlaflokki: 

Guðjón Henning Hilmarsson Golklúbbi Kópavogs og Garðabæjar sigraði Egill Ragnar Gunnarsson einnig í  Golklúbbi Kópavogs og Garðabæjar 1/0.

Birgir Guðjónsson Golfklúbbi Reykjavíkur lagði Andra Má Óskarsson Golfklúbbum Hellu 2/1.

Guðmundur Ágúst Kristjánsson Golfklúbbi Reykjavíkur lagði Kjartan Dór Einarsson Golklúbbi Kópavogs og Garðabæjar 5/4.

Bráðabana þurfti til að knýja fram úrslit í leik Keilismannanna Rúnars Arnórssonar og Axels Bóassonar sem lauk með sigri Rúnar á þriðju holu braðabanans.

í öðrum leik undanúrslitananna mætast þeir Guðmundur Ágúst Kristjánsson og Birgir Guðjónsson báðir úr Golfklúbbi Reykjavíkur.

Hinn undanúrslitaleikurinn verður á milli þeirra Rúnars Arnórssonar Golfklúbbnum Keili og Guðjóns Hennings Hilmarssonar úr Golfklúbbi Kópavogs og Garðabæjar.

Til þess að sjá stöðuna á Íslandsmótinu í holukeppni í karlaflokki SMELLIÐ HÉR: