Eimskipsmótaröðin 2014 (5): Birgir Leifur efstur í karlaflokki – Ragnhildur og Valdís Þóra efstar af konunum e. 1. dag

Fimmta mót Eimskipsmótaraðarinnar – Íslandsmótið í höggleik – hófst í dag á Leirdalsvelli hjá GKG.

Keppni í kvennaflokki er lokið í dag.

Efstar og jafnar eftir 1. daginn hjá konunum eru Ragnhildur Kristinsdóttir, GR og Valdís Þóra Jónsdóttir, GL.

Báðar léku þær á 4 yfir pari, 75 höggum. Þriðja sætinu deila Stefanía Kristín Valgeirsdóttir, GA og Ólafía Þórunn Kristinsdóttir GR, á 5 yfir pari, 76 höggum hvor.

————————-

Birgir Leifur Hafþórsson, úr Golfklúbbi Kópavogs og Garðabæjar er sem stendur efstur í karlaflokki á  Íslandsmótinu. Birgir Leifur lék í dag á 5 undir pari, glæsilegum 66 höggum, og erfitt að sjá að nokkur jafni við hann, hvað þá fari fram úr honum.  Hann hefur titilvörnina með glæsibragl! Birgir Leifur fékk einn örn, fimm fugla og tvo skolla á hringnum í dag.

Gísli Sveinbergsson, úr Golfklúbbnum Keili er annar á 3 undir pari, 68 höggum.

Þess ber að geta að framangreindir tveir voru í sama ráshóp í dag ásamt Heiðar Davíð Bragasyni

Enn eiga nokkrir kylfingar eftir að klára í karlaflokki en erfitt að sjá að nokkur nái ofangreindum tveimur efstu í karlaflokki!

Til þess að sjá stöðuna á 1. degi Íslandsmótsins í golfi SMELLIÐ HÉR: