EGA: Guðrún Brá valin í sveit Evrópu í Patsy Hankins bikarnum

Guðrún Brá Björgvinsdóttir, GK var í dag valin í sveit Evrópu í Patsy Hankins bikarnum.

Patsy Hankins bikarinn er mót með Solheim Cup formi þar sem tvö lið keppa – annars vegar ein 12 kvenna sveit áhugamanna frá Evrópu og síðan ein 12 kvenna sveit áhugamanna frá Asíu-og Kyrrahafslöndunum.

Mótið teigir sig yfir 3 daga og er fjórmenningur spilaður fyrir hádegi og fjórbolti eftir hádegi fyrstu tvo keppnisdagana og síðan tvímenningur 3. og síðasta keppnisdag. Gefið er 1 stig fyrir sigur 1/2 þegar jafnt er og 0 stig fyrir tap.

Mótið fer fram í Doha golfklúbbnum í Qatar dagana 8.-10. mars n.k.

Valið er í liðið eftir frammistöðu kylfinga á heimslista áhugamanna. Einungis mega að hámarki tveir kylfingar vera í sveitinni frá sama landi.

Um valið á Guðrúnu Brá segir í fréttatilkynningu frá EGA:

„Gudrun Bjorgvinsdottir’s strongest result in 2017 came at the European Ladies’ Amateur Championship, where she finished in fourth-place. The Icelandic player also claimed three top-10s in NCAA events during her time in the Fresno State Women’s Golf Team.“

Auk Guðrúnar Brá eru eftirfarandi 11  kylfingar í sveit Evrópu:  Amanda Linner; Annabell Fuller; Bianca Fabrizio;  Blanca F. Carcía-Poggio; Clarisse Louis; Elena Moosmann; Frida Kinhult; Isobel Wardle; Paula Grant; Puk Lyng Thomsen og Zhen Bontan.  Fyrirliði liðsins er Elaine Ratcliffe frá Englandi.

Nánari upplýsingar um þær sem eru í sveit með Guðrúnu Brá má lesa í fréttatilkynningu EGA með því að SMELLA HÉR: