Eftirminnileg US Open augnablik nr. 5

9. US Open árið 1973 – Sam Snead nær niðurskurði 61 árs

Sam Snead sigraði aldrei US Open.

„Slammin’ Sam“ var elsti maður til að komast í gegnum niðurskurð á US Open móti, í Oakmont árið 1973, 61 árs og lauk keppni í 29. sæti. En þrátt fyrir frábæran árangur Snead á PGA – hann er sá kylfingur sem unnið hefir flest mót eða 82 talsins á PGA – þá var eins og álög hvíldu á honum þegar kom að US Open mótum, en honum tókst aldrei að sigra á einu einasta US Open, en varð 12 sinnum meðal 10 efstu. Árið 1939 í Philadelphiu í Pennsylvanía þurfti Snead aðeins að para loka par-5 brautina, en lauk við hana á 8 höggum; í  St. Louis, Missouri, árið 1947 missti hann innan við 1 meters pútt í umspili, þar sem hann tapaði með 1 höggi. Aðrir heldri menn, sem náð hafa niðurskurði er Jack Nicklaus (sem vann 73 mót á PGA) en hann náði niðurskurði árið 1998 á US Open, þegar hann var 58 ára.

10. US Open árið 1993 –  Sá sem leiddi eftir 1. hring komst ekki í gegnum niðurskurð

Joey Sindelar

Það voru 3 menn sem leiddu eftir 1. hring US Open á Baltusrol árið 1993, á 66 höggum hver; Ástralinn Craig Parry og Bandaríkjamennirnir Scott Hoch og Joey Sindelar. En Sindelar var allt annað en öruggur á 2. hring, hann hrapaði niður í 79 högg á 2. hring og komst ekki í gegnum niðurskurð. (Þetta var svipað og kom fyrir Ástralann Rod Pampling á Opna breska í Carnoustie, árið 1999). Parry og Hoch entust fram á sunnudag en voru þó 5 og 6 höggum á eftir þeim sem að lokum vann mótið; Lee Janzen.