Eftirminnileg US Open augnablik nr. 3

Hér verður fram haldið með eftirminnileg augnablik frá liðnum US Open mótum.

5. US Open mótið 1992

Andy Dillard fékk fugl á fyrstu 6 holunum á US Open 1992 og fékk þar með bestu byrjun nokkurs keppanda í hvaða risamótanna 4 sem er, á Pebble Beach. Eftir 6 holur var hann kominn 6 undir par, þrátt fyrir að hafa reynt að sjá hákarlanna í sjónum á 6. braut. Hann missti 5 metra pútt á 7. braut og það var endirinn á þessari bestu byrjun í nokkru risamóti.  Að missa 5 metra púttið á 7. flöt var bara byrjunin því hann spilaði líka verr í sífellu 68 70 79 og fékk 77 á lokahringnum og lauk keppni T-17, sem var eini topp-30 árangur hans á risamóti.  En…. Dillard á metið fyrir bestu byrjun á US Open… og fyrir þær sakir bestu byrjunina í öllum risamótunum 4.

6. US Open mótið 1933

Johnny Goodman er síðasti áhugamaðurinn, sem vann US Open, en það gerðist í US Open mótinu 1933. Goodman fæddist í Nebraska og var tryggingasölumaður,  einn 13 barna innflytjenda frá Litháen.  Hann tók forystuna á North Shore, Glenview, Illinois, eftir 2. hring upp á 66 högg (en þ.á.m. chippaði hann beint í holu fyrir erni á 15. braut). Hann gaf forystuna aldrei af hendi þrátt fyrir að fá 76 á lokahringnum. Bandaríkjamaðurinn Ralph Guldahl var aðeins 1 höggi á eftir Goodman og varð að fá par á síðustu holuna til að jafna, en hitti ekki flöt og missti högg. Goodman, sem var 7 höggum á eftir Tommy Armour frá Edinburgh eftir 1. hring, er jafnframt síðasti áhugamaðurinn til þess að sigra á risamóti (hin 3 meðtalin).