Eftirminnileg US Open augnablik nr. 2

Hér verður fram haldið að segja frá eftirminnilegum augnablikum á US Open liðinna ára:

Ernie Way

3. US Open mótið  1908

Það er eftirminnilegt m.a. fyrir þær sakir að Ernie Way týndi bolta á flöt.   Í Myopia, í Massachusetts, púttaði Way svolítið of fast…. og týndi bolta sínum. Alex Ross, Skotinn sem sigraði árinu áður við örlítið hagstæðari aðstæður í Philadelphia Cricket Club sagði svo frá: „„Þeir voru með holustaðsetningarnar þar sem þeir vissu að erfiðast væri að koma boltanum í holu. Mike Brady púttaði 9 sinnum á einni holu og Ernie (Way)  púttaði svolítið of fast og boltinn rúllaði fram af flötinni og í  mýri. Hann fann boltann aldrei aftur. Hann er líklega eini kylfingurinn til að týna bolta sínum eftir að pútta á flöt.“

4. US Open mótið 1898

JD Tucker var með skor upp á 157 högg. Árið 1898 
fór US Open líka fram á 9-holu Myopia golfvellinum.  Þar var Tucker með skor sem samsvaraði meira en tvöföldu skori á fyrsta hring sínum. Hann bætti skorið um 57 högg á seinni hring, en gat ekki „breakað“ 100.  Hann dró sig þegjandi og hljóðalaust úr mótinu. En… Tucker á þetta met á US Open, sem ólíklegt er að slegið verði á næstunni!