EPD: Stefán Már og Þórður Rafn spiluðu 1. hring á Open Dar Es Salam mótinu í Marokkó

Stefán Már Stefánsson, GR og Þórður Rafn Gissurarson, GR hófu í gær keppni á Open Dar Es Salam mótinu í Marokkó en mótið er hluti af  þýsku EPD-mótaröðinni.

Þórður Rafn Gissurarson. Mynd: Golf 1.

Stefán Már spilaði á +3 yfir pari, 76 höggum og er í 23. sæti eftir 1. hring, en Þórður Rafn lék á +5 yfir pari,  78 höggum og er í 50. sæti. Stefán Már hóf leik af 1. teig en Þórður Rafn 10.

Þátttakendur í mótinu eru 127 og 40 efstu komast í gegnum niðurskurð. Efstur í mótinu er Þjóðverjinn Daníel Wünsche, spilaði á  -4 undir pari, 69 höggum.

Golf 1 óskar þeim Stefáni Má og Þórði Rafni góðs gengis í dag á 2. hring Open Dar Es Salam mótinu!

Til þess að sjá stöðuna eftir 1. hring á Open Dar Es Salam mótinu í Marokkó smellið HÉR: