![](https://www.golf1.is/wp-content/uploads/2013/09/1-Canada-Goose-pair-4-630x420.jpg)
Dýr á golfvöllum: Golfklúbbur gagnrýndur fyrir að skjóta gæsir
Íbúar í bæ nokkrum í Worcestershire í Englandi eru yfir sig reiðir út í golfklúbb á staðnum sem skotið hefir gæsir til þess að koma í veg fyrir gæsaskít sem skítar út golfbolta þeirra sem spila völlinn.
Sjö dauðar gæsir fundust á floti í vatni sem er á horni Bank House Hotel og golfklúbbsins.
Talsmaður klúbbsins sagði að gæsirnar hefðu verið flokkaðar sem skaðvaldar og mikið magn gæsaskíts á vellinum hefði bara farið í bág við allt hreinlæti.“
Hann hélt áfram: „Við fengum leyfi [til að skjóta gæsirnar] og við grisjum þær hér reglulega. Þannig höldum við Kanada gæsum í skefjum hér.“
„Til þess að halda þeim í skefjum verðum við að skjóta þær. Þessi sóðaskapur frá skít þeirra er ansi mikill. Þetta er bara óheilbrigt.“
„Við myndum enda með hundruðir fugla ef við héldum þeim ekki í skefjum. Þetta er ekkert sérstakt.“
Þrátt fyrir þetta eru íbúar í Worcestershire reiðir, sérstaklega yfir því að fuglarnir fljóti dauðir í vatni nálægt golfvellinum.
Einn íbúinn sagði þannig: „Það er bara sérstök tegund af „low life“ þ.e. skíthælum sem dæma þennan gæsaskít sem sóðalegan, en finnst það á hinn bóginn í lagi að láta rotnandi lík fuglanna vera fljótandi í vatninu.“
Sumir íbúar eru hins vegar á öndverðum meiði en skiptar skoðanir eru að sjálfsögðu í þessu máli sem öðru: „Án golfvallarins myndi hótelið verða að loka og hundruðir verða atvinnulausir,“ sagði einn íbúanna. „Fjöldi gæsanna á vellinum var orðinn þannig að það var næstum ekki hægt að spila 3 holur vallarins.“
Spurning hvað GR-ingar segðu ef einhver tæki sig til og skyti gæsirnar á Grafarholtsvelli?
- júlí. 26. 2024 | 23:45 Evrópumót einstaklinga: Íslandsmeistarinn spilar ein íslensku keppendanna lokahringinn
- júlí. 26. 2024 | 23:30 Íslandsmót golfklúbba: GA Íslandsmeistari í 2. deild kvenna
- júlí. 26. 2024 | 23:30 Afmæliskylfingar dagsins: Guðmundur Arason og Lucinda Grímsdóttir – 26. júlí 2024
- júlí. 25. 2024 | 21:00 Afmæliskylfingur dagsins: Erla Pétursdóttir -25. júlí 2024
- júlí. 25. 2024 | 20:30 PGA: Horschel dro sig úr 3M Open
- júlí. 25. 2024 | 20:00 Sports Illustrated með umfjöllun um Arctic Open á Akureyri
- júlí. 24. 2024 | 16:00 Afmæliskylfingur dagsins: Björn Ólafur Ingvarsson – 24. júlí 2024
- júlí. 24. 2024 | 11:00 GKB: Brynhildur og Andri Jón klúbbmeistarar 2024
- júlí. 24. 2024 | 09:00 Íslandsmótið 2024: Aron Emil hlaut Björgvinsskálina
- júlí. 24. 2024 | 07:00 GSE: Lovísa Huld og Hrafn klúbbmeistarar 2024
- júlí. 23. 2024 | 19:00 GVS: Heiður Björk og Helgi klúbbmeistarar 2024
- júlí. 23. 2024 | 17:50 GE: Halldóra Guðríður og Magnús klúbbmeistarar 2024
- júlí. 23. 2024 | 17:00 Íslandsmótið 2024: Hulda Clara sú fyrsta sem fær Guðfinnubikarinn
- júlí. 23. 2024 | 16:00 Afmæliskylfingur dagsins: Harris English —- 23. júlí 2024
- júlí. 23. 2024 | 12:06 Opna breska 2024: Hvað var í sigurpoka Xander Schauffele?