Dustin Johnson trúlofaður Pauline Gretzky

PGA Tour kylfingurinn Dustin Johnson og Paulina Gretzky hafa tilkynnt á samskiptamiðlinum Twitter að þau séu trúlofuð.

Dustin tvítaði í gær „hún sagði já!!!“ og lét fylgja með mynd sem sjá má hér að neðan af stórum demantshring á fingri Pauline.

Demantshringur á fingri Pauline – þ.e. myndin sem Dustin Johnson tvítaði

Pauline er dóttir íshokkístjörnunnar Wayne Gretzky.

Fyrst var farið að tala um samband Dustin og Pauline þegar sást til hennar á Kapalua í Hawaii, þar sem hún var að fylgjast með Dustin sínum sigra Tournament of Champions. Foreldrar Pauline, Gretzky og Janet ,kona hans, komu síðan og voru með dóttur sinni að fylgjast með tilvonandi tengdasyni á Sony Open í vikunni þar á eftir.

Dustin Johnson og Wayne Gretzky eru ágætis vinir fyrir utan að verða nú í framtíðinni fjölskylda en þeir tveir voru m.a. félagar Pebble Beach National Pro-Am.

Dustin Johnson, sem er 29 ára, hefir þegar unnið 7 sinnum á 6 árum sínum á PGA Tour.

Þessa mynd tvítaði Dustin Johnson af þeim Pauline fyrir viku síðan og sagði textinn „At the Burger Barn w. my baby“