Dustin Johnson segist ekki nota eiturlyf

Í fremur löngu viðtali í Sports Illustrated (skammst.: SI) í þessari viku – Sjá með því að SMELLA HÉR: viðurkennir Dustin Johnson að hann eigi við allskyns vandamál að stríða – aðalvandinn sé áfengisdrykkja – en kókaínneysla sé ekki eitt af vandamálum hans.

Í viðtalinu ræddi Johnson m.a. einkalíf sitt og golfleik sinn, sem hann klæjar í fingurnar að hefja aftur.  Hann talaði líka um meinta kókaínneyslu sína, sem SI skrifaði um.

Þar segir hann m.a.: „Ég átti ekki við það vandamál að glíma. Þetta (eiturlyfjaneysla) er bara nokkuð, sem ég ætla ekki að falla í. Ég á við vandamál að glíma, en þetta er ekki eitt af þeim.“ segir hann m.a.

En Dustin ræddi mikið um að hann drykki of mikið.

„Mín aðferð til þess að losa mig við stress var að drekka eða fara í partý,“ sagði Dustin. „Jamm, það leysir úr málum einn dag eða næstu viku, en síðan hleðst allt upp.“

„Sá hugsunarhátur að vera ósigrandi er frábær „þegar ég spila golf“ sagði hann. „Ég átti í vandræðum, en það hafði ekkert að gera með golf.“