Dustin Johnson sást með Paulinu Gretzky á Hawaii

Það er ekki nema von að Dustin Johnson sé að spila vel á Tournament of Champions! Hann hefir varið tíma á Maui með Paulinu Gretzky, dóttur hokkí-leikmannsins fræga Wayne Gretzky, skv. áreiðanlegum heimildum Sports Illustrated skríbentsins Alan Shipnuck. Johnson sást leika sér í golfi með Gretzky á Plantation vellinum í Kapalua og honum var slétt sama þótt hvasst væri eða að það rigndi eins og hellt væri úr fötu!

Paulina Gretzky

Ef það lítur út fyrir að Johnson sé að finna sig vel á Plantation vellinum, þá er það vegna þess að hann hefir varið svo miklum aukatíma á honum!!! Hann varð að hita upp nýju járnin sín og dræver og hann mætti snemma og spilaði 6 æfingahringi (þ.á.m. nokkra með Paulinu).

Paulina Gretzky er 24 ára módel, leik-og söngkona, elst af 5 börnum Wayne Gretzky og Janet Jones. Hún varð þekkt á netinu 2011 þegar hún birti nokkrar djarfar myndir af sér á Twitter.

Módelið Paulina Gretzky

Það er orðinn vani hjá Johnson að koma með kærestur á fyrsta mótið á PGA Tour. 2011 var Natalie Gulbis með honum á Kapalua.  Þegar blaðagreinar fóru að birtast um að Johnson hefði dregið sig úr mótinu þá vegna þess að hann hefði þurft að bjarga sambandi sínu og fyrrum kærestu, þá neitaði Johnson að eiga í nokkru sambandi við hana eða aðrar konur og þ.á.m við Gulbis.

„Þegar fólk segir að ég hafi farið heim til þess að bjarga sambandi mínu við gömlu kærestuna (Amöndu Caulder) þá er það algerlega rangt,“ sagði Johnson. „Við erum ekki í sambandi. Og já, ég og Natalie (Gulbis) höfum varið nokkrum tíma saman, en við erum (heldur) ekki í sambandi. Það er allskyns hlutum slegið fram í fréttum. Og reyndar er sumt af því býsna fyndið!“