Davis Love III og sonur hans Dru sigra í feðga-keppninni – myndskeið

„Loves conquer all“ er fyrirsögn fréttar á PGA um feðga-mótið (með Texas fyrirkomulagi)  þ.e. PNC Father-Son Challenge, sem fram fór nú um helgina í Ritz Carlton golfklúbbnum í Orlandó, Flórída.

Þar er vísað til sigurs Love-feðga Davis og Dru, en þeir sigruðu þá Larry Nelson, sem var að gera sér vonir um að verða næsti fyrirliði Bandaríkjamanna í Ryder Cup 2014 og son hans, Josh.

Sigurhringur Love-feðga var upp á 11 undir pari 61 högg og áttu þeir 1 högg á Nelson-feðga, sem töpuðu því naumlega Larry Nelson og Josh hafa 2 sinnum áður sigrað í mótinu 2007 og 2008, en síðan var gert 3 ára hlé og var mótið nú haldið aftur í fyrsta skipti í 3 ár.

„Ég lærði heilmikið í þessari viku“ sagði Dru Love. „Ég veit að þetta er ekki eins stórt mót og á PGA, en maður fær svona smá nasasjón af því hvernig þau eru.“

Vijay Singh og sonur hans Qass Singh urðu í 3. sæti í þessu 2 daga fjölskyldumóti.

Í næstu sætum á eftir urðu  Mark og Shaun O’Meara (63) og David Duval og stjúpsonur hans Nick Karavites (61).

Sjötta sætinu deildu síðan Jack Nicklaus og sonur hans Gary; Fuzzy Zoeller og dóttir hans Gretchen Zoeller og Funk-feðgar Fred og sonur hans Taylor.

Hér má sjá myndskeið frá seinni degi þ.e. lokadegi feðgakeppninnar SMELLIÐ HÉR: