Chris Kirk baðst afsökunar á ölvunarrausi sínu um langa púttera á Twitter

Eftir að Chris Kirk sigraði á McGladrey Classic 10. nóvember s.l. fór hann á samskiptamiðilinn Twitter og tjáði sig þar drukkinn um langa púttera.

Hann sagðist dást að Adam Scott, sem notar langan pútter og sigraði Australian Masters, en lýsti yfir ógeði sínu á pútter hans og sagði að Scott ætti að skammast sín að nota slíkan pútter.

Kirk ásakaði einnig bandaríska golfsambandið fyrir að setja leikmenn í óþægilega stöðu með því að banna ekki langa púttera strax.

Seinna skrifaði hann m.a.: „Kuch er minn maður, en hverjum borgaði hann fyrir til þess að fá þessa aðferð samþykkta sem löglega?“ (ens. „Kuch is my boy, but who did he pay off to make his method legal?“)  Þar var Kirk að vísa til notkun nr. 8 á heimslistanum, Matt Kuchar, á löngum pútterum, sem hann styður í handarkrika sinn.   

Chris Kirk er nú búinn að eyða ummælum sínum, baðst afsökunar og tvítaði m.a.: „Allir eiga rétt á skoðunum sínum, en ég fór yfir strikið. Ekki drekka og tvíta!“