Champions Tour: McCarron ekki ánægður m/1 höggs víti við frídropp – Myndskeið!

Það sem átti bara að vera rútínu dropp fyrir Scott McCarron í gær, föstudag á 1. hring  Dominion Energy Charity Classic, sem er mót á Champions Tour, þ.e Öldungamótaröð PGA Tour, snerist í eitthvað allt annað og skrítið.

McCarron var á 1 undir pari, eftir 17 holur og fékk frídropp nálægt 18. flöt. Það var þar, sem allt fór til … verri vegar.

Hann fékk 1 höggs víti fyrir að missa kylfuna sína af slysni og hreyfa við það bolta sinn.

Sjá má atvikið á meðfylgjandi myndskeiði SMELLIÐ HÉR: 

McCarron sem þá var að vonum pirraður fékk skolla á lokaholunni og lauk hringnum á sléttu pari, þ.e. 72 höggum í The Country Club of Virginia.

Rocco Mediate, David Toms, Joe Durant og Bernhard Langer eru á efstir og jafnir eftir 1. hring á samtals 5 undir pari hver.

Scott McCarron er hins vegar T-44, en þátttakendur í mótinu voru 69 (nú 68 eftir að John Daly dró sig úr því).

Til þess að sjá stöðuna á Dominion Energy Charity Classic SMELLIÐ HÉR: