Caroline Wozniacki um sambandsslitin við Rory

Caroline Wozniacki sagði að það hefði verið reglulegt sjokk þegar Rory McIlroy ákvað að hann væri ekki tilbúinn að kvænast henni og sleit trúlofun þeirra, aðeins nokkrum mánuðum fyrir giftingu þeirra.

Wozniacki tjáði sig í fyrsta sinn um sambandsslitin, en í fyrstu hét alltaf að hún ætlaði ekkert að segja meira um málið (kannski hún sé að hræða Rory svolítið eftir að hann og Sergio gerðu grín að því þegar hún festi hárfléttu sína á Opna bandaríska í tennisnum og náði ekki höggi).

Wozniacki sagði að hún hefði í fyrstu talið að símtal Rory væri djók.

„Maður býst ekkert við að vera í svona stöðu,“ sagði Wozniacki í glænýju viðtali við Sportskeeda. „Maður getur ekki undirbúið sig hvorki líkamlega eða neitt fyrir nokkuð svona þannig að ág var í svolitlum sjokkfasa í nokkurn tíma eftir þetta.“

„Ég hélt a.m.k. að hann myndi tala við mig augliti til auglitis en það var ekkert, bara símtal og ég heyrði aldrei aftur frá honum….“

„Þetta var mjög erfitt vegna þess að þetta fór allt fram fyrir augum almennings frá upphafi, hann lét frá sér fara fréttatilkynningu þannig að ég hafði ekkert val – þetta var bara troðið framan í mig,“ bætti Wozniacki við.

„Þetta var kafli í lífi mínu sem ég hef lært mikið af, þetta hefir kennt mér margt, ég svo sannarlega lærði mikið um sjálfa mig og um sambönd.“

„Það verður bara að taka lífinu eins og það kemur fyrir og ég trúi því að maður fái aldrei úthlutað neinu, sem maður getur ekki höndlað. Ég er svo búin að ná mér og er komin yfir þetta (sambandsslitin).“