Bubba Watson: Sé ekkert því til fyrirstöðu á okkar tímum að heimila konum aðild að Augusta National

Bubba Watson nýkrýndur meistari The Masters var í viðtali hjá Piers Morgan á CNN í gær, 10. apríl 2012. Í viðtalinu kom að mjög „heitu“ umræðuefni þessa dagana, þ.e. hvort Augusta National ætti að heimila konum að gerast félagar í klúbbnum.

Watson tók mjög varfærna afstöðu, enda vill hann ekki styggja neinn svona rétt eftir sigurinn. Hann sagði hins vegar að á þessum tímum sæi hann ekki að það kæmi að sök að konum væri heimiluð félagsaðild en sagði jafnframt að sínar reglur giltu á hverjum stað, en vildi síðan heyra afstöðu Piers (sem hann hefir eflaust vitað hver væri – enda Piers í betri stöðu að tala frjálslega.)

Piers sagði afdráttarlaust að sér fyndist sú regla að meina konum félagsaðild í Augusta National vera eins og eitthvað aftan úr dimmum miðöldum. Bubba hló og sagði að hann vissi hverjum ekki yrði heimiluð aðild og það væri Piers. Viðbrögð Piers voru já hann hefði e.t.v. bannfært sig úr klúbbnum, en hann kæmi ekki fyrr en konum væri veitt aðild!!!

Þrefalt húrra fyrir Piers að taka afstöðu með konum!!! … og reyndar Bubba líka, þótt hann sé í svolítið erfiðari aðstöðu.

Bubba hefir t.a.m. áður lýst því yfir í Golf Magazine  að afstaða Augusta National pirraði sig.

Sjá má brot úr viðtali Piers Morgan á CNN við Bubba Watson með því að smella HÉR: